Maharastra Government - आपल्या योजना

SSC, HSC दहावी बारावीचा निकाल या तारखेला लागणार?

April 27, 2025 by Aaplyayojna

महाराष्ट्र राज्य शिक्षण मंडळाने दिलेल्या माहितीनुसार दहावी आणि बारावीचा निकाल मे महिन्यामध्ये लागण्याची शक्यता? आता निकाल पाहता येणार डिजीलॉकर वरून?

महाराष्ट्र राज्य माध्यमिक व उच्चमाध्यमिक शिक्षण मंडळाकडून घेण्यात आलेल्या दहावी आणि बारावीच्या परीक्षांच्या निकाला ( SSC HSC EXAM RESULT 2025) बाबत मंडळाने दिलेल्या माहितीनुसार मोठी अपडेट समोर येत आहे. बारावीचा निकाल हा गतवर्षी २१ मे ला लागला होता परंतु यावर्षी निकाल हा निकाल १० मे अगोदरच लागेल, त्याचप्रमाणे दहावीचा निकाल हा गतवर्षी २७ मे ला लागला होता परंतु यावर्षी हा निकाल १५ मे अगोदरच लागेल अशी शक्यता वर्तवण्यात आली आहे.

यंदाच्या वर्षी मंडळाने निकाल पाहण्यासाठी एक नवीन पद्धत विद्यार्थ्यांसाठी दिली आहे. डिजीलॉकर ॲप च्या माध्यमातून निकाल विद्यार्थ्यांना पाहता येणार आहे. महामंडळाच्या संकेतस्थळावर एकाच वेळी लाखो विद्यार्थी निकाल पाहत असतात अशा वेळेस साईटवर खूप लोड योतो व सर्वांना निकाल पाहता येत नाही. त्याकरिता मंडळ हा निकाल डिजीलॉकर ॲप वर उपलब्ध करून दिला जाणार असल्याची माहिती समोर आली आहे.? दहावी आणि बरावीच्या दोन्ही मिळून तब्बल एकवीस लक्ष विद्यार्थांचा निकाल डिजीलॉकर ॲप च्या माध्यमातून पाहायला मिळणार असल्याची शक्यता आहे.

MMLBY पहा लाडक्या बहिणींना एप्रिलचा हप्ता कधी मिळणार?

April 24, 2025April 24, 2025 by Aaplyayojna

लाडकी बहीण योजनेचा एप्रिल महिन्याचा हप्ता अक्षय तृतीये पर्यंत होणार महिलांच्या खात्यात जमा?

सध्या महाराष्ट्र मध्ये लाडकी बहिणी योजना (Mukhyamantri Ladki Bahin Yojna) चर्चेत असून या योजनेचा दहावा हप्ता म्हणजेच एप्रिल महिन्याचा हप्ता हा आणखीन महिलांच्या खात्यामध्ये जमा झालेल्या नसून लाभार्थी महिला भगिनी या हप्त्याची वाट चातकासारखी पाहताना दिसून येत आहेत. खरं पाहता एप्रिल महिन्याचा हा शेवटचा आठवडा आहे. तरी देखील आणखीन लाभार्थी महिलांच्या खात्यावर पंधराशे रुपये जमा झालेले नाहीत.

एप्रिल महिन्याचा लाडक्या बहिणीचा पंधराशे रुपये हप्ता हा लवकरात लवकर म्हणजेच अक्षय तृतीयेच्या शुभमुहूर्तावर 30 तारखेच्या अगोदर लाडक्या बहिणीच्या खात्यावर जमा होणार असल्याची माहिती महिला व बाल विकास कल्याण मंत्री आदिती तटकरे यांनी दिली आहे.?

विधानसभा निवडणुकीनंतर लाडक्या बहिणी योजनेची अर्ज पडताळणी चालू केलेली असून आणखीनही चालूच आहे. या योजनेच्या निकषांनुसार अपात्र ठरणाऱ्या महिलांना या योजनेतून वगळण्यात येणार आहे. जसेकी ज्या महिलांचे वार्षिक उत्पन्न दोन लाख पन्नास हजार पेक्षा अधिक आहे अशा महिलांना या योजनेचा लाभ मिळणार नाही. तसेच पात्र महिलांच्या खात्यावर हे पंधराशे रुपये जमा होणार आहेत.

Ration Card KYC रेशन कार्ड केवायसी करण्याची शेवटची तारीख. पहा कोणती आहे?

April 16, 2025 by Aaplyayojna

रेशनकार्ड धारकांसाठी महत्त्वाची बातमी. रेशनकार्ड ई-केवायसी करण्यासाठी मिळाली मुदत वाढ. ही अंतिम मुदतवाढ असल्याचा दावा?

Ration Card KYC रेशन कार्ड धारकांसाठी अत्यंत महत्त्वाची बातमी ई-केवायसी करण्यासाठी रेशन कार्ड धारकास ही शेवटची संधी असल्याचे सांगितले जात आहे? या आधी रेशन कार्ड धारकांसाठी ई-केवायसी करण्याची अंतिम मुदत ही ३१ मार्च २०२५ ही होती परंतु आता याला एक महिन्याची मुदत वाढ मिळाली असून ३० एप्रिल २०२५ पर्यंत ई-केवायसी करू शकता.

आता केलेली मुदतवाढ ही चौथ्यांदा केलेली मुदतवाढ आहे. असे विभागीय अधिकाऱ्यांनी सांगितले आहे. ही शेवटची मुदतवाढ असल्याचे सांगितले जात आहे? यानंतर रेशन कार्ड केवायसी करण्याकरिता मुदतवाढ मिळणार नसून 30 एप्रिल पर्यंत सर्व रेशन कार्डधारकांनी ई-केवायसी करणे बंधनकारक आहे.

MMLBY लाडक्या बहिणींना फेब्रुवारी चा हप्ता आठ दिवसात मिळणार?

April 10, 2025February 15, 2025 by Aaplyayojna

स्वतः उपमुख्यमंत्री, अर्थमंत्री अजित पवार यांनी सांगितले!

लाडक्या बहिणींसाठी आनंदाची बातमी. (mukhyamantri ladki bahin yojna February 2025) फेब्रुवारी महिन्याचा मुख्यमंत्री लाडकी बहिणी योजनेचा हप्ता अद्याप पर्यंत महिलांच्या खात्यावर जमा झालेला नाही. सर्व लाभार्थी महिलांना आनंदाची बातमी आज स्वतः राज्याचे उपमुख्यमंत्री तथा अर्थमंत्री अजित पवार यांनी दिली आहे.

आज जालना जिल्ह्यातील परतूर येतील एका कार्यक्रमात राज्याचे उपमुख्यमंत्री अजित पवार बोलताना म्हणाले की, महिला व बालविकास खात हे आमच्या आदिती तटकरे यांच्या कडे आहे. त्यांनी या योजने मध्ये खास लक्ष घातले आहे. मुख्यमंत्री लाडकी बहीण योजना आणली तेव्हापासून या योजने मुळे आमच्यावर भरपूर टीका झाली. आज हेच मीडिया वाले सांगतात की ही योजना बंद होणार?. परंतू आम्ही शब्दाचे पक्के आहोत. आम्ही दिलेला शब्द पाळतो. ही योजना बंद होणार नाही. कालच मी या योजनेसाठी लागणाऱ्या रकमेसाठी मंजुरी दिली आहे. आणि मुख्यमंत्री लाडकी बहीण योजनेचा फेब्रुवारी महिन्याचा पंधराशे रुपये हप्ता हा आठ दिवसामध्ये सर्व लाभार्थी महिलांच्या बँक खात्यामध्ये जमा करण्यात येणार आहे असे सांगितले.

Anganwadi Recruitment अंगणवाडी सेविका पदाची मोठी भरती? १८८८२ पद भरणार! पहा काय आहे पात्रता!

February 15, 2025February 14, 2025 by Aaplyayojna

पहा काय कागदपत्र लागतात, काय आहे पात्रता, काय आहेत नियम व अटी. Anganwadi Sevika Recruitment 2025

सरकारी नोकरीच्या शोधात असणाऱ्यान साठी एक आनंदाची बातमी. महिला व बाल विकास विभागा अंतर्गत एकात्मिक बाल विकास सेवा योजने अंतर्गत अंगणवाडी सेविका व मदतनीस या दोन्ही मिळून १८ हजार ८८२ पदे भरण्यात येणार आहेत. यामध्ये अंगणवाडी सेविका ५६३९ तर मदतनीस १३२४३ पदे भरण्यात येणार आहेत. ही भरती प्रक्रिया मोठी भरती प्रक्रिया असणार आहे. यामध्ये लाखोंच्या संख्येने अर्ज दाखल होण्याची शक्यता आहे. राज्य सरकार ७५ हजार पद भरती करणार आहे त्यापैकी अठराहजार पदभरती ही महिला व बालविकास विभाग करीत आहे असे महिला व बालविकास मंत्री आदिती तटकरे यांनी सांगितले आहे.

भरती प्रक्रिया ही संपूर्ण पारदर्शक पद्धतीने होणार असून उमेदवारांनी कोणत्याही अमिषाला बळी न पडण्याचे आवाहन हे महिला व बालविकास मंत्री आदिती तटकरे यांनी केले आहे. राज्यातील अंगणवाड्यांमध्ये अंगणवाडी सेविका व मदतनीस या पदासाठी वेगवेगळ्या जिल्हा प्रशासनाकडून स्थानिक पातळीवर तशा प्रकारच्या जाहिराती काढण्यात आल्या आहेत. १४ फेब्रुवारी ते २ मार्च २०२५ या कालावधीत मुख्य सेविका या पदाची सरळ सेवा व निवडीद्वारे ३७४ पदभरतीची परीक्षा होणार आहे. या पद भरतीसाठी लागणारी कागदपत्रे, पात्रता, नियम व अटी आपण खाली पाहणार आहोत.

अर्जा सोबत जोडावी लागणारी कागदपत्रे.

• लहान कुटुंबाचे प्रमाणपत्र

• आधार कार्ड

• रहिवासी प्रमाणपत्र तहसील कार्यालयाचे (अनिवार्य)

• सक्षम प्राधिकारी यांचे विधवा प्रमाणपत्र ( लागू असल्यास)

• सक्षम प्राधिकारी यांचे जातीचे प्रमाणपत्र ( लागू असल्यास)

• शैक्षणिक अहर्ता/ पात्रता प्रमाणपत्र, गुणपत्रके.

• अंगणवाडी सेविका/मदतनीस यांची किमान आर्हता १२ वी (HSC) उत्तीर्ण आवश्यक आहे उमेदवार पदवी/पदव्युत्तर इत्यादी बाबतचे गुणपत्रक व प्रमाणपत्र यांच्या सत्य प्रति जोडणे.

• शासकीय / अनुदानित संस्थेत दाखल असलेल्या अनाथ अर्जदाराचे बाबतीत सक्षम प्राधिकारी यांचे प्रमाणपत्र. (लागू असल्यास)

• डी.एड. पदविका, बी.एड. पदविका असल्यास त्याचे गुणपत्रक व प्रमाणपत्रक जोडणे.

• उमेदवार MS-CIT उत्तीर्ण असल्यास प्रमाणपत्र जोडणे.

• अंगणवाडी सेविका/अंणवाडी मदतनीस / मिनी अंगणवाडी सेविका म्हणुन कमीत कमी 2 वर्षाचा अनुभव असल्याचे प्रमाणपत्र. (लागु असल्यास)

• अर्जासोबत जोडलेली कागदपत्रे स्वतः साक्षांकित (Self Attested) केलेली असणे आवश्यक आहे.

अधिकची सविस्तर माहिती पाहण्यासाठी खालील अधिकृत संकेत स्थळावर जा.

https://icds.gov.in

Guardian Minister कोणत्या जिल्ह्याला कोण पालकमंत्री? पहा संपूर्ण यादी!

January 18, 2025 by Aaplyayojna

महायुती सरकार मधील पालकमंत्री पदाचा तिढा अखेर सुटला. राज्यातील नवीन सरकारकडून नुकतीच पालकमंत्री पदाची यादी जाहीर करण्यात आली आहे. या मध्ये प्रामुख्याने मुख्यमंत्री देवेंद्र फडणवीस यांनी गडचिरोलीची पालकमंत्री पदाची जबाबदारी स्वतः कडे घेतली आहे तर उपमुख्यमंत्री अजितदादा पवार यांच्याकडे पुण्यासह सद्या चर्चेत असलेल्या बीड जिल्ह्याची पालकमंत्री पदाची जबाबदारी दिली आहे. तसेच उपमुख्यमंत्री एकनाथ शिदे यांच्याकडे मुंबई शहरासह ठाण्याची पालकमंत्री पदाची जबाबदारी दिली आहे.

पालकमंत्री पदाची संपूर्ण यादी

• गडचिरोली – देवेंद्र फडणवीस

• मुंबई शहर व ठाणे – एकनाथ शिंदे

• पुणे व बीड – अजित पवार

• नागपूर व अमरावती – चंद्रशेखर बावनकुळे

• अहिल्यानगर – राधाकृष्ण विखे

• सांगली – चंद्रकांत पाटील

• वाशिम – हसन मुश्रीफ

• पालघर – गणेश नाईक

• नाशिक – गिरीश महाजन

• जळगाव – गुलाबराव पाटील

• मुंबई उपनगर – ॲड. आशिष शेलार, मंगलप्रभात लोढा (सह-पालकमंत्री)

• यवतमाळ – संजय राठोड

• धुळे – जयकुमार रावल

• रत्नागिरी – उदय सामंत

• जालना – पंकजा मुंडे

• चंद्रपूर – अशोक उईके

• नांदेड – अतुल सावे

• सातारा – शंभूराज देसाई

• लातूर – शिवेंद्रसिंह भोसले

• रायगड – आदिती तटकरे

• नंदुरबार – माणिकराव कोकाटे

• हिंगोली – नरहरी झिरवाळ

• सोलापूर – जयकुमार गोरे

• भंडारा – संजय सावकारे

• धाराशिव – प्रताप सरनाईक

• छत्रपती संभाजीनगर – संजय शिरसाट

• बुलढाणा – मकरंद जाधव

• अकोला – आकाश फुंडकर

• सिंधुदुर्ग – नितेश राणे

• गोंदिया – बाबासाहेब पाटील

• गडचिरोली – ॲड. आशिष जयस्वाल (सह-पालकमंत्री)

• कोल्हापूर – प्रकाश आबिटकर, माधुरी मिसाळ (सह-पालकमंत्री)

• परभणी – मेघना बोर्डीकर

• वर्धा – डॉ. पंकज भोयर

RTE खुशखबर! १४ जानेवारी पासून आरटीई प्रवेश नोंदणी होणार सुरू?

January 14, 2025January 13, 2025 by Aaplyayojna

RTE Admission Open 2025 2026

आर्थिक दुर्बल व वंचित घटकातील विद्यार्थांसाठी शिक्षण हक्क कायद्यानुसार पहिली ते आठवी पर्यंत इंग्रजी शाळांमध्ये २५% राखीव जागा मध्ये मोफत शिक्षणाची सोय उपलब्ध केली जाते. या संबंधित विद्यार्थ्यांचे शुल्क सरकारमार्फत शाळांना दिले जाते.

यावर्षीच्या प्रवेश प्रक्रियेसाठी १८ डिसेंबर २०२४ ला शाळा नोंदणी सुरू झाली होती. जवळपास शाळा नोंदणी प्रक्रिया ही पूर्ण झाली असून यंदा जवळपास साडेनऊ हजार शाळांची नोंदणी झाली आहे. एक लाखाहून अधिक जागा प्रवेशासाठी उपलब्ध होणार असल्याची माहिती प्राथमिक शिक्षण विभागातील अधिकाऱ्यांनी दिली आहे.

शाळा नोंदणीसाठी ३१ डिसेंबर २०२४ पर्यंत मुदत दिली होती परंतु अपेक्षित नोंदणी न झाल्यामुळे प्राथमिक शिक्षण संचालनालयाच्या वतीने ०४ जानेवारी पर्यंत शाळा नोंदणीला मुदत वाढ देण्यात आली होती. आता शाळा नोंदणी ही पूर्ण झाली असून १४ जानेवारी पासून विद्यार्थी नोंदणीची प्रक्रिया सुरू होणार आहे? असे प्राथमिक शिक्षण संचालनालया कडून अंदाज व्यक्त केला जात आहे.

आज RTE पोर्टलवर दिसत असलेल्या आकडेवारी नुसार ८ हजार ८४६ शाळांची नोंदणी झाली असून १ लाख ८ हजार ८५९ जागा उपलब्ध आहेत.

RTE पोर्टल वर जाण्यासाठी खालील लिंकवर क्लिक करा.

https://student.maharashtra.gov.in/adm_portal/Users/rte_index_new

आरटीई प्रवेशाच्या सर्व अपडेट साठी आमचा WhatsApp ग्रुप जॉईन करा!

MMLBY नवीन सरकारने लाडक्या बहिणींचे टेंशन वाढवले? या महिलांची योजना होणार बंद?

January 3, 2025 by Aaplyayojna

महिला व बालकल्याण मंत्री आदिती तटकरे यांनी या योजने बद्दल दिली मोठी उपडेट

लाडकी बहीण योजनेबद्दल मोठी उपडेट समोर येत आहे. लाडक्या बहिणींना धक्का बसण्याची शक्यता. महिला व बालकल्याण मंत्री आदिती तटकरे यांनी लाडकी बहीण योजने बद्दल मोठी माहिती दिली आहे. राज्याच्या अंतरिम अर्थसंकल्पामध्ये या योजनेची घोषणा करण्यात आली होती. ज्या कुटुंबाचे वार्षिक उत्पन्न अडीच लाखा पेक्षा कमी आहे अशा कुटुंबातील महिलांना आर्थिक हातभार लागावा यासाठी हि योजना सरकारने चालू केली होती. परंतु आता या योजनेतून काही महिलांना वगळले जाऊ शकते. या योजनेतील ज्या महिलांचे अर्ज पात्र झाले आहेत अशा महिलांना डिसेंबर महिन्या पर्यंतचे सहा हप्त्याचे पंधराशे रुपये महिन्या प्रमाणे सर्व पैसे त्यांच्या बँक खात्यामध्ये जमा झालेले आहेत.

पहा काय म्हणाल्या महिला व बालकल्याण मंत्री आदिती तटकरे!

मुख्यामंत्री लाडकी बहीण योजने बाबत पाच प्रकारच्या तक्रारी ह्या महिला व बालकल्याण विभागाकडे आल्या आहेत. वेगवेगळ्या बाजुने आम्ही या तक्रारीची पडताळणी करणार आहोत. त्यातील काही तक्रारी या स्थानिक प्रशासनाकडून आलेल्या आहेत, तर काही लाभार्थी महिलांनी पत्र लिहून या योजनेसाठी आता आम्ही पात्र नसल्याची माहिती दिली आहे. तक्रारी प्राप्त झालेल्या सर्व अर्जांची पडताळणी होणार आहे. मात्र लाडकी बहीण योजनेच्या मूळ जीआर मध्ये कोणताही बदल होणार नाही असे मंत्री आदिती तटकरे यांनी म्हटलं आहे.

पहा कोण कोणत्या अर्जाची होणार पडताळणी?

चार चाकी वाहनं असलेल्या महिलांच्या अर्जांची होणार पडताळणी.
ज्या महिलांचे उत्पन्न अडीच लाखापेक्षा जास्त आहे तरी देखील या योजनेचा फायदा घेत आहेत अशा अर्जांची होणार छाननी.
एकच महिलेने दोन अर्ज दाखल केले आहेत अशा अर्जांची होणार छाननी.
लग्न झाल्यानंतर महाराष्ट्र राज्यातून इतर राज्यात स्थलांतरित झालेल्या अर्जांची होणार पडताळणी.
आधार कार्डवर आणि कागद पत्रावर नावांमध्ये तफावत असलेल्या अर्जाची देखील पडताळणी होणार अशी माहिती आदिती तटकरे यांनी दिली आहे.

तसेच अर्ज पडताळणी मध्ये ज्या लाभार्थी महिलांचं उत्पन्न हे अडीच लाखांपेक्षा जास्त आहे, किंवा त्यांच्या कडे चारचाकी वाहनं आहेत, अशा महिलांना आता या योजनेतून वगळलं जाण्याची शक्यता व्यक्त करण्यात येत आहे. याचा फटका हा राज्यातील अनेक लाडक्या बहिणींना बसू शकतो.

MantriMandal फडणवीसांच्या मंत्रिमंडळात पहा कोणाला मिळाले कोणते खाते?

December 22, 2024December 21, 2024 by Aaplyayojna

संपूर्ण यादी आली समोर.

अ. क्र.	नाव	मंत्रिपद	खाते	पक्ष
१	देवेंद्र फडणवीस	मुख्यमंत्री	गृह	भाजप
२	एकनाथ शिंदे	उपमुख्यमंत्री	नगरविकास व गृहनिर्माण	शिवसेना (ES)
३	अजित पवार	उपमुख्यमंत्री	अर्थ	राष्ट्रवादी (AP)
४	चंद्रशेखर बावनकुळे	कॅबिनेट	महसूल	भाजप
५	राधाकृष्ण विखे पाटील	कॅबिनेट	जलसंपदा	भाजप
६	हसन मुश्रीफ	कॅबिनेट	वैद्यकिय शिक्षण	राष्ट्रवादी (AP)
७	चंद्रकांत पाटील	कॅबिनेट	उच्च तंत्र शिक्षण	भाजप
८	गिरीश महाजन	कॅबिनेट	आपत्ती व्यवस्थापन	भाजप
९	गुलाबराव पाटील	कॅबिनेट	पाणीपुरवठा	शिवसेना (ES)
१०	गणेश नाईक	कॅबिनेट	वन मंत्री	भाजप
११	दादा भुसे	कॅबिनेट	शालेय शिक्षण	शिवसेना (ES)
१२	संजय राठोड	कॅबिनेट	मृद व जलसंधारण	शिवसेना (ES)
१३	धनंजय मुंढे	कॅबिनेट	अन्न व नागरी पुरवठा	राष्ट्रवादी (AP)
१४	मंगलप्रभात लोढा	कॅबिनेट	कौशल्य विकास	भाजप
१५	उदय सामंत	कॅबिनेट	उद्योग, मराठी भाषा	शिवसेना (ES)
१६	जयकुमार रावल	कॅबिनेट	मार्केटिंग, प्रोटोकॉल	भाजप
१७	पंकजा मुंढे	कॅबिनेट	पर्यावरण	भाजप
१८	अतुल सावे	कॅबिनेट	ओबीसी	भाजप
१९	अशोक उईके	कॅबिनेट	आदिवासी	भाजप
२०	शंभूराज देसाई	कॅबिनेट	पर्यटन	शिवसेना (ES)
२१	आशिष शेलार	कॅबिनेट	माहिती तंत्रज्ञान, सांस्कृतिक	भाजप
२२	दत्तात्रय भरणे	कॅबिनेट	क्रीडा	राष्ट्रवादी (AP)
२३	आदिती तटकरे	कॅबिनेट	महिला आणि बालकल्याण	राष्ट्रवादी (AP)
२४	शिवेंद्रराजे भोसले	कॅबिनेट	सार्वजनिक विकास	भाजप
२५	माणिकराव कोकाटे	कॅबिनेट	कृषी	राष्ट्रवादी (AP)
२६	जयकुमार गोरे	कॅबिनेट	ग्रामीण विकास	भाजप
२७	नरहरी झिरवाळ	कॅबिनेट	अन्न व औषध प्रशासन	राष्ट्रवादी (AP)
२८	संजय सावकारे	कॅबिनेट	वस्त्रोद्योग	भाजप
२९	संजय शिरसाट	कॅबिनेट	सामाजिक न्याय	शिवसेना (ES)
३०	प्रताप सरनाईक	कॅबिनेट	मंत्री वाहतूक	शिवसेना (ES)
३१	भरत गोगावले	कॅबिनेट	रोजगार	शिवसेना (ES)
३२	मकरंद पाटील	कॅबिनेट	मदत व पुनर्वसन	राष्ट्रवादी (AP)
३३	नितेश राणे	कॅबिनेट	मत्स, बंदर	भाजप
३४	आकाश फुंडकर	कॅबिनेट	कामगार	भाजप
३५	बाबासाहेब पाटील	कॅबिनेट	सहकार	राष्ट्रवादी (AP)
३६	प्रकाश आबिटकर	कॅबिनेट	सार्वजनिक आरोग्य	शिवसेना (ES)
३७	माधुरी मिसाळ	राज्यमंत्री	नागरी विकास, वाहतूक, सामाजिक न्याय, वैद्यकीय शिक्षण, अल्पसंख्यांक विकास	भाजप
३८	आशिष जैस्वाल	राज्यमंत्री	अर्थ, कृषि	शिवसेना (ES)
३९	पंकज भोयर	राज्यमंत्री	म्हाडा	भाजप
४०	मेघना बोर्डीकर	राज्यमंत्री	सार्वजनिक आरोग्य, कुटुंब कल्याण, पाणी पुरवठा	भाजप
४१	इंद्रनील नाईक	राज्यमंत्री	उच्च आणि तंत्र शिक्षण , आदिवासी विकास आणि पर्यटन	राष्ट्रवादी (AP)
४२	योगेश कदम	राज्यमंत्री	ग्रामविकास, पंचायत राज	शिवसेना (ES)

MMLBY लाडक्या बहिणीसाठी महत्त्वाची बातमी! अर्ज भरण्यासाठी मिळाली मुदत वाढ!

October 11, 2024 by Aaplyayojna

ज्या महिलांनी अर्ज केला नव्हता त्यांच्यासाठी आणखी एक संधी!

Mukhyamantri Ladki Bahin Yojna राज्यात आतापर्यंत २ कोटी ३० लाख महिला भगिनींना त्यांच्या खात्यामध्ये पाच महिन्याचे एकूण सात हजार पाचशे रुपये सरकारकडून जमा करण्यात आले आहेत. व ज्या महिलांना अद्याप पर्यंत लाडकी बहिण योजनेचा अर्ज केलेला नाही अशा महिलांना राज्य सरकारने विजयादशमीच्या पूर्व संधेला आनंदाची बातमी दिली आहे. लाडकी बहिण योजनेचा अर्ज भरण्याची मुदत आता राज्य सरकारने १५ ऑक्टोबर २०२४ पर्यंत वाढवली आहे. मात्र हे अर्ज फक्त अंगणवाडी सेविका मार्फतच भरावे लागणार आहेत. अशी सूचना शासनाकडून मिळाली आहे. त्यामुळे लाडक्या बहिणीला आता नव्याने अर्ज भरण्याची संधी प्राप्त झाली आहे. उर्वरित चार दिवसात अर्ज करून या योजनेचा लाभ घेता येणार आहे.

राज्यातील लाडकी बहीण योजनेला मिळणार प्रचंड प्रतिसाद पाहून राज्य सरकारने या योजनेला मुदतवाढ दिली आहे. यापूर्वी ३० सप्टेंबर ही योजनेसाठी अर्ज करण्याची मुदत देली गेली होती. मागील महिन्यातही लाखो महिलांना आपले अर्ज दाखल केले होते. ज्या महिलांनी अर्ज सादर केले होते. त्यांना या योजनेचा लाभही मिळण्यास सुरुवात झाली होती. रक्षाबंधन सणाचा मुहूर्त साधत राज्य सरकारने या योजनेच्या पहिल्या हफ्याच्या वितरणास सुरुवात केली होती. तेव्हापासून आजपर्यंत राज्यातील तब्बल २ कोटी ३० लाख महिला या योजनेत पात्र ठरल्या असून त्यांच्या बँक खात्यावर DBT मार्फत पैसेही जमा होण्यास सुरुवात झाली आहे. बहुतांश महिलांच्या बँक खात्यात आत्तापर्यंत पाच हप्त्याने ७५००/- रुपये जमा झाले आहेत. आता उर्वरीत महिलांनाही लाडकी बहीण योजनेसाठी १५ ऑक्टोबर पर्यंत अर्ज करता येणार आहे. मात्र त्यासाठी केवळ अंगणवाडी सेविकांच्या माध्यमातून अर्ज करता येणार आहे.